السلام عليكم صبايا
وصفة اليوم سهلة كتير وما بتاخد وقت!!
صدور الدجاج بصلصة الطماطم مع معكرونة تالياتيللي
المقادير
4 صدور دجاج
بصلة مفرومة صغيرة
2 م ك شوفان كويكر
رب البندورة (صلصة طماطم)
فص ثوم مفروم
شوية زيت نباتي
بهار مشكل (أنا استعملت سبع بهارات)، قرفة، كزبرة يابسة، فلفل أسود وملح
الطريقة
نضع الزيت بالطنجرة ونقلب البصل والثوم ثم نضيف البهارات والملح والدجاج ونقلب جيداً إلى أن يتغير لون الدجاج ثم تضيف ماء وندعهم يغلوا ونضيف الشوفان والصلصة وندعهم إلى أن يستوي الدجاج...وعادة الصدور بتستوي بسرعة وما بتاخد وقت..
في ناس بتحب تضيف بكل شي مكعب الدجاج متل الماجي يعني بس أنا ما بحب طالما الدجاج موجود بقلب الطبخة يعني الطعمة الاصلية...بعدين لمعلوماتكم الماجي وكل المنتجات يلي بتشبهه فيها غلوتامين الصوديوم مضر ويسبب آلام الرأس...مشان هيك بحاول أبعد عنه!!
نسلق معكرونة أنا استعملت التالياتيللي وخلص الأكل جاهز...اتفضلوا...الصور كمان جاهزة 
ان شاء الله على زوءكم..
لا تنسوني من الدعاء أمانة 
الأحد نوفمبر 04, 2007 8:36 pm
