الكشري - طريقه سريعة ولذيذة للموظفات

التعريف بالوصفة

اقدم طبق الكشري - اكله شعبية مصرية لذيذة وسهلة التحضير وايضااااااااا اقتصاديه وماراح تكلف شي كلا موجود ببيوتنا ..

الى كل من سمعت عن الكشري وماعرفت تطبقه - الكشري له طرق عديدة وايضا متنوعة .. بس اليوم اقدم طريقه سهله واعتقد انها جيده جدا للموظفا انا شخصيا اسويها لانها ماتاخذ وقت .. مع ان الطريقة الاصلية تحسين انها متعوب عليها .. المهم تعجبكم ..

المكونات والمقادير

المقادير :

2 كوب كبير ارز - اوحسب عدد الاشخاص بالبيت مسلوق مع ملح وفلفل اسود ومكعب ماجي
1 كوب عدس اسود - مسلوق مع ملح
2 كوب مكرونيه - مسلوقه مع ملح وزيت ( الطريقه العاديه لسلق المكرونيه)
نص كوب شعريه مقلية بالزيت وصاير لونها بني مشقر
الملح والفلفل حسب الذوق والاختيار ..
الصلصة الخاصة بالكشري :
انا استخدم صلصة الدقوس العادي الي نستخدمه مع العيوش والجابيس
بس اضيف عليها 1 علبة حمص مسلوق من العلب الجاهزة ..
تعطي نكهه حلوة وشكل بعد حلو ..

السوس الخاص بالكشري .. اذا مزوجة او بالليل انصحج ماتاكلينه .. رنه خطيييييييييربريحته
10 فصوص ثوم - وربع كوب عصير ليمون - ونص كوب خل ابيض وملح - كمون - فلفل اسود

طريقة التحضير

الطريقة : سهلة جدا .. احنا سلقنا الرز والعدس والمكرونيا والشعريه ..
بعد السلق نتركهم شوي يتسكرون ..
نأخذ صحن التقديم ولازم يكون كبيييييييييييير عشان ينغرف منه ..

اسوي طبقات اول طبقه من الرز والشعريه يفضل سلقهم مع بعض ثاني طبقه من العدس واخر شي طبقة المكرونيه
بيصير عندك طبقات شكلها حلو ..
تاخذين صلصة الطمام او الدقوس الي عندك وتحطين عليه علبة النخي او الحمص .. وترشنها على سطح الطبق وحوالينه . وتخلين الباقي في صحن جانبي للي يحب يزيد من الصلصة ..

اما طريق السوس ( ناخذ الثوم ونفرمه نااااااعم جدااا
وناخذ الخل والليمون والفلفل وملح والكومون
ونحط عليهم 2 كوب ماء ونخلط سريع بالخلاط .. ونحط الخلطة جنب الصلصة طعهمها جدا لذيذ ومفعولها قوي للنوم

طريقة التقديم: مع صلصة الطماطم وسوس الخل والثوم
lol!

شكرااا على الوصفة السريعة وحقيقى الكشرى من الاطباق الشهيرة فى مصر

وملائمة جدااا للموظفات لانها سريعة التحضير
مع خالص شكرى وتقديرى

» صدور الدجاج بصلصة الطماطم ...سهلة ولذيذة ..
» طريقه عمل بعض الحلويات